Við hjá Reykjavík Culture Travel hugsum vel um menningarþyrsta samlanda okkar og bjóðum áhugaverðar og öðruvísi ferðir innanlands og erlendis. Flestar okkar ferðir eru hópferðir en við getum að sjálfsögðu aðstoðað við skipulagningu á menningartengdum ferðum innanlands og erlendis fyrir einstaklinga og sérhópa (enginn hópur er of lítill og enginn hópur of stór).
Okkar skipulögðu ferðir innanlands eru m.a. “námskeiðsferðir” þar sem við bjóðum upp á dvöl á landsbyggðinni í nokkra daga. Í ferðunum gefst fólki tækifæri á að skerpa kunnáttuna sína og færni í áhugamálunum undir dyggri leiðsögn leiðbeinenda í hverju fagi fyrir sig. Meðal þeirra námskeiða sem við bjóðum upp á er skák, söngur, myndlist, prjónanámskeið og margt fleira.

Ferðir okkar erlendis miðast við að sækja áhugaverða menningartengda viðburði. Þetta geta verið viðburðir þar sem íslenskir eða erlendir listamenn koma fram.

Persónuleg þjónusta og fagmennska eru einkunnarorð okkar. Við fylgjum viðskiptavinum okkar eftir frá bókun til loka ferðar og kappkostum að koma til móts við þarfir hvers og eins. Í öllum okkar ferðum er leiðsögumaður eða tengiliður frá fyrirtækinu.