Göngu – og hjólaleiðir
Mjög margar göngu- og hjólaleiðir er að finna í nágrenni Hótel Bifrastar. Umhverfið sem er fjölbreytt býður upp á marga möguleika. Þræða má krákustíga í hrauninu, rölta meðfram Norðuránni, fara í skógargöngu í Jafnaskarðsskóg eða ganga á Grábrók.

Göngukort í nágrenni Hótel Bifrastar.

Golfvöllurinn Glanni
Níu holu golfvöllurinn Glanni er í göngufæri við Hótel Bifröst. Golfvöllurinn þykir með skemmtilegustu og fegurstu golfvöllum landsins. Völlurinn hentar bæði byrjendum sem vönum golfurum.

Golfvöllurinn Húsafelli
Golfvöllurinn á Húsafelli er 9 holuvöllur sem liggur meðfram bökkum Kaldár og Stuttár. Það sem er gerir völlinn spennandi er að víða liggja brautirnar við vatn og aldrei er langt í skóginn þannig að áskoranirnar eru margar og fjölbreyttar. 

Knattvellir
Lítill gervigrasvöllur er staðsettur við hlið Hótel Bifrastar. Kjörin afþreyingar aðstaða fyrir unga jafnt sem aldna. Þá eru einnig körfubolta- og frisbí-golfvellir við hlið hótelsins.

Sundlaugar og böð

• Varmalandssundlaug er staðsett í um það bil 10 mínútna akstursfjarlægð frá Hótel Bifröst. Um er að ræða útisundlaug með heitum pottum.
• Krauma Spa eru náttúrulaugar við Deildartunguhver einn vatnsmesta hvers í Evrópu. Um hálftíma akstur er frá Bifröst í Kraumu.
• Í Húsafelli sem er í tæplega klukkustundar fjarlægð frá Hótel Bifröst er heilsulind. Þar er hægt að velja á milli fjögurra einstakra baðlauga sem allar eru með mismunandi hitastigi. 
• Giljaböðin – ferð í Giljaböðin er einstök gönguferð í stórkostlegri náttúru sem endar með slökun í náttúruböðum í tignarlegum gljúfrum.
• Sundlaugin í Borgarnesi er staðsett í Íþróttamiðstöðinni sem er í miðju Borgarnes og er í tæplega hálftíma akstursfjarlægð frá Bifröst. Í miðstöðinni eru útisundlaug, vatnsrennibrautir, heitir pottar, vaðlaug, innilaug, eimbað og góð sólbaðsaðstaða. Einnig er hægt að kaupa sér aðgang að líkamsræktarsalnum.

Hestaleigur

• Sturlureykir er fjölskyldurekinn hestabúgarður í tæplega hálftíma fjarlægð frá Hótel Bifröst. Þar er boðið upp á reiðnámskeið, reiðtúra og heimsóknir í hesthúsin.
• Oddsstaðir eru í u.þ.b klukkustundar fjarlægð frá Bifröst.
• Giljar hestar og hannyrðir bjóða upp á þægilegar hestaferðir í nágrenni bæjarins. Ferðirnar henta bæði byrjendum og lengra komnum. Giljar eru í tæplega klukkustundar fjarðlægð frá Bifröst. Á bænum er einnig að finna myndlistarstúdíó Josefina Morell.

Áhugaverðar dagsferðir, heils og hálfs í nágrenninu.

• Reykholt – einn merkasti sögustaður landsins sér í lagi þar sem hann var búsetustaður Snorra Sturlusonar 1206 – 1241. Þar er að finna forna laug, Snorralaug þar sem Snorri er talinn hafa setið og hvílt sig frá skrifum. Snorrastofa í Reykholti býður upp á sýningar, leiðsögn og fyrirlestra.
• Deildartunguhver – einn vatnsmesti hver í Evrópu. Hverinn gefur skýra mynd um þá ógnarorku sem býr í jörðinni en kraumandi hverinn spúir upp 180 lítrum af 100° heitu vatni á sekúndu.
• Barnafoss / Hraunfossar –  ótal tærar fossandi lindir staðsettar í nágrenni Húsafells.
• Húsafell dásamleg náttúruperla sem inniheldur margskonar afþreyingarmöguleika
• Sögustaðir Eglu – bærinn Borg á Mýrum er einn merkasti sögustaður miðalda. Skalla-Grímur reisti bæinn en hann nam land í Borgarfirði.
• Veiðivötn og ár eru óteljandi í Borgarfirðinum og ættu allir að geta fundið stað við sitt hæfi.
• In to the Glacier – heimsókn inn í einn stærsta manngerða íshelli í heimi.
• Steðji Bjór – brugghús Steðja er fjölskyldufyrirtæki sem stofnað var árið 2012.

Borgarnes:

• Landnámssetrið – sýningar um landnámið og og Egilssögu.
• Englendingavík – Dásamlegur veitingastaður staðsettur við hafið.
• Bjössaróló – leikvöllur hannaður af Birni Guðmundssyni sem hafði mikinn áhuga á endurnýtingu og smíðaði leikvöllinn eingöngu úr efni sem hafði verið hent og nýttist ekki lengur.
• Einkunnir – skógrækt sem dregur nafn sitt af þremur klettaborgum sem rísa upp af mýrlendi sem er skammt fyrir ofan Borgarnes. Klettaborgirnar sem svæðið er kennt við sjást víða að.